రూ.7.06 కోట్ల నగదు.. మద్యం సీజ్‌

ఎన్టీఆర్‌ కలెక్టరేట్‌, న్యూస్‌టుడే : జిల్లాలో ఎన్నికల ప్రవర్తన నియమావళిని సమర్థంగా అమలు చేస్తున్నట్టు కలెక్టర్‌ ఎస్‌.డిల్లీరావు తెలిపారు. ఎన్నికల విభాగంలోని సీజర్‌ మేనేజ్‌మెంటు చురుగ్గా పని చేస్తోందని సోమవారం ఆయన ఓ ప్రకటనలో పేర్కొన్నారు. ఇప్పటి వరకు రూ.7.06 కోట్ల విలువైన నగదు, మద్యం, మత్తు పదార్థాలు, విలువైన వస్తువులు, ఉచితాలు తదితరాలను సీజ్‌ చేసినట్టు వెల్లడించారు. పట్టుబడిన వాటిలో రూ.3.16 కోట్ల నగదు, రూ.94.16 లక్షల విలువైన 19,583 లీటర్ల మద్యం, రూ.12.20 లక్షల విలువైన 1,84,201 గ్రాముల మత్తు పదార్థాలు, రూ.2.32 కోట్ల విలువైన 7,758 గ్రాముల లోహాలు, రూ.6.43 లక్షల విలువైన 132 ఉచితాలు ఉన్నట్టు వివరించారు.