పీఏసీఎన్‌ కంప్యూటరీకరణపై శిక్షణ

చల్లపల్లి, న్యూస్‌టుడే: ప్రాథమిక వ్యవసాయ పరపతి సహకార సంఘాల కంప్యూటరీకరణపై చల్లపల్లి పీఏసీఎన్‌లో శిక్షణ కార్యక్రమం బుధవారం నిర్వహించారు. జిల్లా సహకార అధికారి కె.చంద్రశేఖర్‌రెడ్డి  పాల్గొని ఏడు మండలాల కేడీసీసీ బ్యాంకు సూపర్‌ వైజర్లకు, పీఏసీఎన్‌లో సీఈవోలకు, సిబ్బందికి కంప్యూటరీకరణ ప్రక్రియపై శిక్షణ ఇచ్చారు.  డివిజనల్‌ సహకార అధికారి వి.వి.ఫణికుమార్‌, సూపర్‌ వైజర్లు, సీఈవోలు, సిబ్బంది పాల్గొన్నారు. సొసైటీల కంప్యూటరీకరణ ద్వారా సభ్యుల పేర్లు నమోదు, రుణ లావాదేవీల నమోదు, డీసీసీబీలకు, ఆప్కాబ్‌ బ్యాంకుకి సొసైటీలను అనుసంధానం చేయనున్నట్లు పేర్కొన్నారు. తద్వారా రైతులకు మెరుగైన బ్యాంకింగ్‌ సేవలు అందించనున్నట్లు చెప్పారు.