బలవంతంగా వైకాపా కండువా.. అరగంటలోనే తెదేపాలోకి

తెదేపా కండువాలు వేసుకున్న నాయకులు

బొమ్మనహాళ్‌, న్యూస్‌టుడే: బొమ్మనహాళ్‌లో పలువురు తెదేపా నాయకులకు, వైకాపా నాయకులు బలవంతంగా కండువాలు కప్పడం విమర్శలకు తావిచ్చింది. స్థానిక తెదేపా నాయకులు నాగిరెడ్డి, మల్లి, బసవరాజు, పాలాక్షిలను సోమవారం వైకాపా నాయకుడు బసవరాజు తన ఇంట్లో సంఘం సమావేశం ఉందని పిలిపించారు. అక్కడ రాయదుర్గం వైకాపా అభ్యర్థి మెట్టు గోవిందరెడ్డి చేత బలవంతంగా పార్టీ కండువాలు వేయించారు. అక్కడి నుంచి తప్పించుకొని వచ్చిన వారు తెదేపా మండల మాజీ ఉపాధ్యక్షుడు పయ్యావుల మోహన్‌బాబు, పయ్యావుల అనిల్‌ సమక్షంలో పార్టీలో చేరి కండువాలు కప్పుకున్నారు. తమకు మాయ మాటలు చెప్పి వైకాపా కండువాలు వేశారని బాధితులు తెలిపారు.