బాధిత కుటుంబానికి చంద్రబాబు పరామర్శ

కుప్పం పట్టణం : చిత్తూరు జిల్లా రామకుప్పంలో అనుమానాస్పద స్థితిలో మృతి చెందిన తెదేపా వార్డు సభ్యుడు ఏలుమలై కుటుంబ సభ్యులతో తెదేపా జాతీయాధ్యక్షుడు చంద్రబాబు ఫోన్‌లో మాట్లాడారు. పోలీసులు విచారణ సక్రమంగా చేపట్టి మృతికి కారణమైన వారిపై ఎస్సీ ఎస్టీ అట్రాసిటీ కేసు నమోదు చేయాలని ఆయన డిమాండ్‌ చేశారు. బాధితులకు తక్షణ సహాయం కింద చంద్రబాబు వ్యక్తిగత కార్యదర్శి మనోహార్ రూ.25వేలు అందించారు.

అనుమానాస్పద మృతిగా కేసు నమోదు.. బంధువుల ఆగ్రహం

తెదేపా నాయకుడు ఏలుమలై మృతిపట్ల రామకుప్పం పోలీసులు అనుమానాస్పద మృతిగా కేసు నమోదు చేశారు. హత్య జరిగితే అనుమానాస్పద మృతిగా కేసు ఎలా నమోదు చేస్తారని ప్రశ్నిస్తూ కుప్పం ఏరియా ఆస్పత్రి వద్ద మృతుడి బంధువులు ఎస్సై ఉమామహేశ్వర్‌రెడ్డిపై ఆగ్రహం వ్యక్తం చేశారు.