నియంత్రికలు కాలిపోవడాన్ని తగ్గించండి

చిత్తూరు(మిట్టూరు), న్యూస్‌టుడే: వేసవిలో విద్యుత్తు వాడకం అధికం. ఈ నేపథ్యంలో నియంత్రికలు కాలిపోవడాన్ని తగ్గించేందుకు చర్యలు తీసుకోవాలని విద్యుత్తు శాఖ చిత్తూరు రూరల్‌ డివిజన్‌ ఈఈ హరి పేర్కొన్నారు. మంగళవారం ఆయన స్థానిక రూరల్‌ డివిజన్‌ కార్యాలయంలో ఏడీలు, ఏఈలతో సమీక్షించారు. హరి మాట్లాడుతూ విద్యుత్తు లైన్లను పరిశీలించి..ఎప్పటికప్పుడు ప్రమాదకరంగా ఉన్న లైన్లను మార్పు చేయాలన్నారు. లో ఓల్టేజీ సమస్య ఉన్న ప్రాంతాల్లో కొత్త లైన్ల ఏర్పాటుకు దృష్టి సారించాలని చెప్పారు. జగనన్న కాలనీల ఇంటి సర్వీసుల జారీలో జాప్యం వహిస్తే చర్యలు తప్పవని హెచ్చరించారు. విద్యుత్తు బకాయిల వసూళ్లకు అధిక ప్రాధాన్యం ఇవ్వాలని ఆయన తెలిపారు.