‘కూల్చివేతల వైకాపాలో ఇమడలేక తెదేపాలో చేరుతున్నా’

ఆదిమూలం సమక్షంలో తెదేపాలో చేరిన విశ్రాంత ఎస్పీ రమేషయ్య

బీఎన్‌కండ్రిగ, న్యూస్‌టుడే: కూల్చివేతల వైకాపాలో ఇమడలేక తెదేపాలో చేరుతున్నట్లు బీఎన్‌ కండ్రిగ మండలం చిన్నపాలవేడు గ్రామానికి చెందిన విశ్రాంత ఎస్పీ రమేషయ్య తెలిపారు. శనివారం ఆయన కూటమి తెదేపా అభ్యర్థి కోనేటి ఆదిమూలం సమక్షంలో తెదేపాలో చేరారు. జగన్‌ అధికారంలోకి వచ్చిన రోజునుంచే ధ్వంసం చేయడం, ప్రతిపక్ష పార్టీల నాయకులపై కేసులు పెట్టడమే లక్ష్యంగా ప్రభుత్వాన్ని నడిపారన్నారు. వైకాపా పాలనలో రాష్ట్రం 20 ఏళ్లు వెనక్కు వెల్లిందన్నారు. ఎమ్మెల్యేలు, మంత్రులు ప్రజా సమస్యలను సీఎం దృష్టికి తీసుకెళ్లినా పట్టించుకోక పోవడంతో దిక్కుతోచని స్థితిలో ఉన్నారన్నారు. చంద్రబాబు, పవన్‌కళ్యాణ్‌, మోదీ నాయకత్వంలో రాష్ట్రం అభివృద్ధివైపు నడుస్తుందని ఎన్డీయే ప్రభుత్వ ఏర్పాటుకు అన్నివిధాలుగా కృషి చేస్తానన్నారు.