అధికారులు క్షేత్ర స్థాయిలో అప్రమత్తంగా ఉండాలి

'అమలాపురం కలెక్టరేట్‌, న్యూస్‌టుడే: సార్వత్రిక ఎన్నికల నేపథ్యంలో పోలీసు శాఖలో ఎస్‌ఈబీ విభాగంలో విధులు నిర్వహిస్తున్న అధికారులు నిత్యం అప్రమత్తంగా ఉండాలని ఎస్‌ఈబీ ఎస్పీ ఎన్‌వీఎస్‌ మూర్తి తెలిపారు. సోమవారం జిల్లా ఎస్పీ కార్యాలయంలో అధికారులతో సమీక్షా సమావేశం నిర్వహించారు. ఈ సందర్భంగా ఆయన మాట్లాడుతూ క్షేత్ర స్థాయిలో తమ దృష్టికి వచ్చిన సమస్యలను ఉన్నతాధికారులు దృష్టికి తీసుకొచ్చి పరిష్కారానికి చర్యలు తీసుకోవాలన్నారు. ఎన్నికల నేపథ్యంలో అధికారులు చేపట్టాల్సిన చర్యలను వారికి వివరించారు.ఈ కార్యక్రమంలో ఏఎస్పీ ఖాదర్‌ బాషా, డీఈఎస్‌వో రాజ్యలక్ష్మి, అమరబాబు, ఇతర అధికారులు పాల్గొన్నారు.

నగదు, మద్యం స్వాధీనం

ఎన్నికల తనిఖీల్లో భాగంగా జిల్లాలో న్విహించిన దాడుల్లో అక్రమ మద్యం, నగదు స్వాధీనం చేసుకున్నట్లు ఎస్పీ శ్రీధర్‌ సోమవారం తెలిపారు. అమలాపురం పరిధిలో రెండు లీటర్ల సారా, 2500 లీటర్ల బెల్లం ఊట, కొత్తపేట పరిధిలో 100 లీటర్ల సారా, 300 బెల్లంఊట, రామచంద్రపురంలో 24 మద్యం సీసాలు, ఎస్‌ఈబీ అధికారుల దాడుల్లో 60 మద్యం సీసాలు, 100 లీటర్ల సారాను స్వాధీనం చేసుకున్నట్లు ఆయన తెలిపారు.మండపేట పరిధిలో రూ.1.28లక్షల నగదు స్వాధీనం చేసుకున్నామన్నారు.