తెదేపా కూటమిని గెలిపించాలి

తాళ్లపూడి: భవిష్యత్తును దృష్టిలో పెట్టుకుని తెదేపా కూటమిని గెలిపించాలని సీనియర్ నాయకుడు పెండ్యాల అచ్చిబాబు కోరారు. మండల కేంద్రమైన తాళ్లపూడిలో తెదేపా మండల అధ్యక్షుడు పరమేశ్వరరావు, చాగల్లు మాజీ జెడ్పీటీసీ సభ్యుడు విక్రమాదిత్య ఆధ్వర్యంలో ఉమ్మడి పార్టీల నాయకులు, కార్యకర్తల సమావేశాన్ని నిర్వహించారు. ఈ సమావేశంలో ఆయన పాల్గొని మాట్టాడారు..వైకాపా ప్రభుత్వంలో ఉపాధి లేక వలసలు వెళ్తున్నారన్నారు. రాబోయే ఎన్నికల్లో ఉమ్మడి పార్టీ ఎమ్మెల్యే, ఎంపీ అభ్యర్థులు ముప్పిడి వెంకటేశ్వరరావు, పురందేశ్వరిలను గెలిపించాలన్నారు. కార్యక్రమంలో ద్విసభ్యకమిటీ సభ్యులు సుబ్బారాయ చౌదరి, రామకృష్ణ, ఉమ్మడి పార్టీల నాయకులు మారిశెట్టి వెంకటేశ్వరరావు తదితరులు పాల్గొన్నారు.