అప్పు చెల్లించలేదని రూ.4 కోట్ల కారు దహనం

పహాడీషరీఫ్‌: బాకీ చెల్లించలేదని విలువైన కారును దహనం చేసిన ఘటన ఇది. పహాడీషరీఫ్‌ పోలీసులు, బాధితుల కథనం ప్రకారం.. నార్సింగికి ·చెందిన వ్యాపారి నీరజ్‌కు రూ.4 కోట్ల స్పోర్ట్స్‌ కారు ఉంది. దాన్ని విక్రయిస్తానని మొఘల్‌పురాకు చెందిన మిత్రుడు అమన్‌కు తెలిపాడు. శనివారం అహ్మద్‌ కారును కొనడానికి మామిడిపల్లిలోని తన ఫాంహౌస్‌కు తెమ్మన్నాడు. నీరజ్‌ మిత్రుడు అయాన్‌కు ఇచ్చి పంపించాడు. నీరజ్‌ తమకు రూ.2 కోట్లు బాకీ ఉన్నాడని అహ్మద్‌ చెప్పాడు. కారు చూపించడానికి తెచ్చామని, నీరజ్‌ ఎక్కడున్నాడో తెలియదని అయాన్‌ చెప్పడంతో కారుపై పెట్రోలు చల్లి నిప్పు పెట్టాడు. బాధితుడి ఫిర్యాదుతో పోలీసులు కేసు నమోదు చేశారు.