తెలుగువారు రంగనాథుడి వారసులు

భక్తురాలికి జ్ఞాపిక అందజేస్తున్న చినజీయర్‌ స్వామి

కరీంనగర్‌ సాంస్కృతికం, న్యూస్‌టుడే: రామాయణంలోని ధర్మాలను యథాతథంగా ఆచరిస్తుంది తెలుగువారేనని, రాముడు, రంగనాథుడికి నిజమైన వారసులు వారేనని త్రిదండి శ్రీమన్నారాయణ చినజీయర్‌ స్వామి అన్నారు. కరీంనగర్‌ పద్మనాయక కల్యాణ మండపంలో వసంత నవరాత్రోత్సవాలలో భాగంగా స్వామిజీ ప్రవచనాలు చెప్పారు. అయోధ్య ప్రజా సంక్షేమం కోసం ఉంటే, లంక నగర స్వార్థం కోసం ఉండేదని తెలిపారు. ఉదయం శ్రీమద్రామాయణ హవనం, తీర్థగోష్ఠి, మధ్యాహ్నం అన్నప్రసాద వితరణ జరిగింది. కార్యక్రమంలో చల్మెడ లక్ష్మీనరసింహరావు, వీర్ల ప్రభాకర్‌రావు, కలకొండ గౌతమరావు, బీవీ.రావు, యాద కిషన్‌, ఎల్‌.భూపతిరావు, తదితరులు పాల్గొన్నారు.