రామయ్య హుండీలో కాసుల గలగల..!

భద్రాచలం, న్యూస్‌టుడే: భద్రాచలం శ్రీసీతారామచంద్రస్వామి దేవస్థానంలోని మూడు రకాల హుండీలు కాసులతో కళకళలాడాయి. 26 రోజుల హుండీ ఆదాయాన్ని బుధవారం లెక్కించారు. జనరల్‌ హుండీల ద్వారా రూ.71,22,878 సమకూరింది. అన్నదానానికి రూ.1,61,100, గోశాల విస్తరణకు రూ.1,95,363 లభించింది. మొత్తంగా 74,79,341 వచ్చినట్లు ఆలయాధికారులు ప్రకటించారు. యూఎస్‌ డాలర్లు 270, కెనడా డాలర్లు 50, మలేషియా రింగిట్స్‌ 20, వియత్నాం డాంగ్స్‌ 2వేలు సమకూరాయి. కానుకలను ఈఓ రమాదేవి బ్యాంకులో జమచేశారు. తలంబ్రాలను కలిపే వేడుకకు విశేషసంఖ్యలో భక్తులు రావడంతో పాటు మార్చి మొదటి నుంచి రద్దీ ఉండడంతో కానుకలు ఆశాజనకంగా వచ్చినట్లు భావిస్తున్నారు