7న సినీ నటుడు వెంకటేశ్‌ రాక

ఖమ్మం కమాన్‌బజార్‌, న్యూస్‌టుడే: ఖమ్మం లోక్‌సభ కాంగ్రెస్‌ అభ్యర్థి రామసహాయం రఘురాంరెడ్డి వియ్యంకుడు సినీ నటుడు విక్టరీ వెంకటేష్‌ ఈనెల 7న ఖమ్మం రానున్నట్లు ప్రోగ్రాం సమన్వయకర్త తుంబూరు దయాకర్‌రెడ్డి ఆదివారం ఒక ప్రకటనలో తెలిపారు. ఖమ్మం నగరంలో సాయంత్రం 5 గంటలకు మయూరిసెంటర్‌ నుంచి ఇల్లెందు క్రాస్‌రోడ్డు వరకు రోడ్‌షో నిర్వహిస్తారని ప్రకటించారు. అనంతరం రాత్రి 8 గంటలకు కొత్తగూడెం పట్టణంలో క్లబ్‌లో జరగనున్న పుర ప్రముఖల సమ్మేళనానికి హాజరవుతారని వివరించారు. కాంగ్రెస్‌ శ్రేణులు పెద్ద సంఖ్యలో పాల్గొని వెంకటేష్‌ పర్యటనను జయప్రదం చేయాలని కోరారు.