హంద్రీ తూము ఏర్పాటు చేస్తాం

చిప్పగిరి: కూటమి అధికారంలో రాగానే హంద్రీ కాలువపై తూము ఏర్పాటు చేసి ఏబీసీ కాలువను అభివృద్ధి చేస్తామని ఆలూరు తెదేపా  ఎమ్మెల్యే అభ్యర్థి వీరభద్ర గౌడ్ కుమారుడు మల్లికార్జున గౌడ్ అన్నారు. మంగళవారం చిప్పగిరి మండలంలోని డేగులపాడు ఏరూరు గ్రామంలో ఆయన ఇంటింటి ప్రచారం నిర్వహించారు. ఈ సందర్భంగా మాట్లాడుతూ హంద్రీ తూము ఏర్పాటు చేస్తే చిప్పగిరి, ఆల్ హరివి, ఆలూరు మండలాల్లోని దాదాపు 40 వేల ఎకరాలకు సాగునీరు అందుతుందని వారు తెలిపారు. అందుకోసం వీరభద్ర గౌడ్‌ను ఎమ్మెల్యేగా నాగరాజును ఎంపీగా ఎన్నుకోవాలని విజ్ఞప్తి చేశారు. ఈ కార్యక్రమంలో తెదేపా నాయకులు మీనాక్షి నాయుడు, ఏరూరు మహేష్, అమరప్ప, రాజన్న, రంగస్వామి, తదితరులు పాల్గొన్నారు.