జగన్‌ను సాగనంపుదాం

కర్నూలు సచివాలయం, న్యూస్‌టుడే: నవరత్నాల పేరుతో మోసగించిన జగన్‌ను ఇంటికి సాగనంపి  చంద్రబాబుకు పట్టం కట్టాలని కర్నూలు పార్లమెంట్‌ నియోజకవర్గ తెదేపా అధ్యక్షుడు పాలకుర్తి తిక్కారెడ్డి, ఎమ్మెల్సీ బీటీ నాయుడు, కర్నూలు పార్లమెంట్‌ నియోజకవర్గ తెదేపా ప్రధాన కార్యదర్శి ఆకెపోగు ప్రభాకర్‌ ప్రజలకు విజ్ఞప్తి చేశారు. నగరంలోని జిల్లా పార్టీ కార్యాలయంలో మంగళవారం వారు పాత్రికేయుల సమావేశంలో మాట్లాడారు. మోసపూరిత వాగ్ధానాలతో అధికారంలోకి వచ్చిన వైకాపా ప్రజలను నవ మోసాలతో ముంచేసిందన్నారు. మే 13న జరగనున్న ఎన్నికల్లో తెదేపాను గెలిపించాలని ప్రజలకు పిలుపునిచ్చారు. ఎన్నికల్లో జగన్‌ ఓడించేందుకు ప్రజల సిద్ధం కావడంతో దానిని గ్రహించిన జగన్‌ ఎన్నికల్లో గెలిచేందుకు అక్రమ మార్గాలను ఎంచుకున్నారని తెలిపారు. వైకాపా నాయకుల అక్రమాలపై జిల్లా, రాష్ట్ర ఎన్నికల అధికారులకు, ఎస్పీకి విన్నవించామన్నారు. ప్రజలు ధైర్యంగా ఓటుహక్కును వినియోగించుకోవాలని వారు పిలుపునిచ్చారు.