ఘనంగా బస్వేశ్వరస్వామి జయంతి వేడుకలు

సీబెళగల్‌: మండల కేంద్రమైన సీబెళగల్‌లో శుక్రవారం వీరశైవ సంఘం ఆధ్వర్యంలో బసవ జయంతి వేడుకలు ఘనంగా నిర్వహించారు. వీరశైవ లింగాయతి కోరిశెట్టి ఈరమ్మ ఇంటి నుంచి బస్వేశ్వరస్వామి చిత్రపటాన్ని మేళతాళాలతో ఊరేగింపుగా తెచ్చి ఎడ్ల బండిలో ఆశీనులను చేశారు. అనంతరం గ్రామ పురవీధుల గుండా ఆలయాలు సందర్శిస్తూ బస్వేశ్వరస్వామి ఆలయాన్ని చేరుకున్నారు. ఆలయ సన్నిధిలో రాతిగుండులో వెలసిన బస్వేశ్వరునికి అభిషేకాలు చేశారు. ఈ సందర్భంగా ఆదోని మండలం దనాపురం గ్రామానికి చెందిన కోరి శెట్టప్ప కుటుంబ సభ్యులు విచ్చేసిన భక్తులకు అందరికీ అన్నదానం చేశారు.