సున్నిపెంటలో తెదేపా ఎన్నికల ప్రచారం

సున్నిపెంట సర్కిల్ : సార్వత్రిక ఎన్నికలు సమీపిస్తున్న నేపథ్యంలో తెదేపా,  జనసేన, భాజపా నాయకులు శుక్రవారం రోడ్‌ షో నిర్వహించారు. శ్రీశైలం తెదేపా సమన్వయకర్త యుగంధర్‌రెడ్డి ఆధ్వర్యంలో నాయకులు, ఎన్టీఆర్ అభిమానులు  సున్నిపెంటలోని తెదేపా పార్టీ కార్యాలయం నుంచి రోడ్‌ షోను ప్రారంభించారు.  కాకులసెంటర్‌, బండ్లబజార్‌, మార్కెట్‌,ఆశ్రమం, అక్కమ్మసెంటర్‌, బస్టాండ్‌ మీదుగా తిరిగి పార్టీ కార్యాలయానికి చేరుకున్నారు. ఈ రోడ్‌ షోలో శ్రీశైలం నియోజకవర్గం ఎమ్మెల్యే అభ్యర్థి  రాజశేఖర్‌రెడ్డి, ఎంపీ అభ్యర్థి భైరెడ్డి శబరిలను గెలిపించాలని ఓటర్లను అభ్యర్థించారు. ఈ కార్యక్రమంలో తెదేపా, భాజపా, జనసేన నాయకులు భారీ సంఖ్యలో పాల్గొన్నారు.