కేసుల సత్వర పరిష్కారానికి కృషి చేయండి

న్యాయవాదులకు జిల్లా ప్రధాన న్యాయమూర్తి సూచన

మాట్లాడుతున్న జిల్లా ప్రధాన న్యాయమూర్తి పాపిరెడ్డి

మహబూబ్‌నగర్‌ నేరవిభాగం, న్యూస్‌టుడే : న్యాయవాదులు కోర్టుల్లో ఉన్న కేసులను సత్వరం పరిష్కరించడానికి కృషి చేయాలని జిల్లా ప్రధాన న్యాయమూర్తి బి.పాపిరెడ్డి అన్నారు. సోమవారం జిల్లా కేంద్రంలోని ప్రధాన కోర్టు ప్రాంగణంలోని న్యాయ సేవాధికార సంస్థ కార్యాలయంలో న్యాయవాద పరిషత్‌ ఆధ్వర్యంలో బీఆర్‌ అంబేడ్కర్‌ జయంతి వేడుకలు నిర్వహించారు. ముఖ్య అతిథిగా హాజరైన జిల్లా ప్రధాన న్యాయమూర్తి అంబేడ్కర్‌ చిత్రపటానికి పూలమాలలు వేసి నివాళులర్పించారు. అనంతరం మాట్లాడుతూ అంబేడ్కర్‌ అంబేడ్కర్‌ జీవితాన్ని నేటితరం తెలుసుకుని స్ఫూర్తి పొందాలన్నారు. బాబాసాహెబ్‌ ఆశయాలను ప్రజల్లోకి తీసుకెళ్లాలన్నారు. ఒక న్యాయవాదులు కక్షిదారులకు సత్వరం న్యాయం అందేలా కృషి చేయాలన్నారు. ఒకరిపై ఒకరు ద్వేషం పెంచుకోకుండా చూడాలన్నారు. కార్యక్రమంలో న్యాయమూర్తులు ఆర్‌.శ్రీదేవి, సంధ్యారాణి, ఎస్‌శ్రీదేవి, చైతన్య, భావన, న్యాయవాద పరిషత్‌ జిల్లా అధ్యక్షుడు యోగేశ్వర్‌ రాజ్‌ యాదవ్‌, ప్రధాన కార్యదర్శి రామన్‌గౌడ్‌, కార్తీక్‌, మహిళా న్యాయవాదులు ఉమా మహేశ్వరి, సబిత తదితరులు పాల్గొన్నారు.