వ్యవసాయ అనుబంధ రంగాలను అభివృద్ధి చేయాలి

పాన్‌గల్ :  గ్రామీణ ప్రాంతాల్లో వ్యవసాయ అనుబంధ రంగాలకు  ప్రోత్సాహం అందించి రైతులను అభివృద్ధి చేయాలని జిల్లా జడ్పీ ఛైర్మన్ లోక్ నాథ్ రెడ్డి కోరారు. మంగళవారం పాన్‌గల్‌ మండల సర్వ సభ్య సమావేశం ఎంపీపీ శ్రీధర్ రెడ్డి అధ్యక్షతన జరిగింది. ఈ సందర్బంగా వివిధ శాఖల అధికారులు తమ నివేదికలను సభకు వివరించారు.  గ్రామాల్లో  సర్పంచ్‌లు లేని కారణంగా ప్రత్యేక అధికారులు వేసవిని దృష్టిలో పెట్టు కొని  క్షేత్ర స్థాయిలో పర్యటన చేసి  తాగు నీటి సమస్య లేకుండా  చూసుకోవాలని సూచించారు. సమావేశంలో  జడ్పీటీసి లక్ష్మి,  వైస్ ఎంపీపీ కవిత, ఎంపీడీవో కోటేశ్వర్, డీటీ అశోక్, ఎంపీవో రఘురాములు వివిధ శాఖల అధికారులు పాల్గొన్నారు.