మంచి నాయకుడు ఎప్పుడూ ప్రజల గుండెల్లో ఉంటారు

రాజోలి: ప్రజలకు సేవ చేసిన మంచి నాయకులు, మరణించినా ఎల్లప్పుడూ ప్రజల గుండెల్లో నిలిచే ఉంటారని ఎమ్మెల్యే విజయుడు అన్నారు. ఇటీవల రాజోలి గ్రామంలో మరణించిన మాజీ సర్పంచి శ్రీరామ్ రెడ్డి జయంతి కార్యక్రమానికి హాజరయ్యారు. అభిమానులతో కేక్‌ కట్‌ చేశారు. అనంతరం నిర్వహించిన రక్తదాన శిబిరంలో పాల్గొన్నారు. గ్రామానికి చెందిన 55 మంది అభిమానులు రక్తం దానం చేయగా, వారికి పండ్లను అందించారు. నాయకత్వ పరంగా గొప్ప నాయకుడిని కోల్పోయామని, ఈ సందర్భంగా ఆయన సేవలను ఎమ్మెల్యే గుర్తు చేసుకున్నారు. కార్యక్రమంలో ఆర్డీఎస్ మాజీ ఛైర్మన్ సీతారామిరెడ్డి, మాజీ సర్పంచి గంగిరెడ్డి తదితరులు పాల్గొన్నారు.