తాగునీటి ఇబ్బంది తలెత్తకుండా చూడాలి

రాజోలి: గ్రామాల్లో మిషన్ భగీరథ నీరు పూర్తి స్థాయిలో అందేలా చూడాలని మిషన్ భగీరథ గ్రిడ్ ఎస్ఈ జగన్మోహన్ అన్నారు. ఆయన శనివారం మండలంలోని పెద్దతాండ్రపాడు, తుమ్మిళ్ల గ్రామాల్లో తాగునీటి పరిస్థితులపై ఆరా తీశారు. పెద్దతాండ్రపాడులో ఎన్ని బోర్లు బాగు చేయించారని, నీరు ఏ విధంగా వదులుతున్నారని కార్యదర్శి మధుసూధన్‌రెడ్డిని అడిగి తెలుసుకున్నారు. పంచాయతీ కార్యాలయం సమీపంలోని ప్రైవేటు బోరును లీజ్ తీసుకోవాలని, మిషన్ భగీరథ నీరు సరిపోకపోతే ప్రత్యామ్నాయంగా ఉపయోగించాలని సూచించారు. కార్యక్రమంలో మిషన్ భగీరథ ఏఈ తేజవర్ధన్ తదితరులున్నారు.