వర్షంతో చల్లబడిన వాతావరణం

రాజోలి: జిల్లాలో బుధవారం అర్ధరాత్రి, గురువారం సాయంత్రం ఓ మోస్తారుగా వర్షం కురిసింది. కొన్ని రోజులుగా భరించలేని ఎండలతో ప్రజలు ఇబ్బందులు పడగా, ఈదురు గాలులతో కూడిన వర్షం కారణంగా వాతావరణం ఒక్క సారిగా చల్లబడింది. అయిజ మండలం చిన్నతాండ్రపాడులో 67.5 మి.మీ, గద్వాలలో 48.5, ధరూర్ మండలం ద్యాగదొడ్డిలో 32.8, ఇటిక్యాల మండలం బీచుపల్లిలో 21, కేటీదొడ్డిలో 10 మి.మీ. రాజోలిలో 15 మి.మీ. వర్షం కురిసింది. దీని ఫలితంగా మధ్యాహ్నం వేళ ఎండ తీవ్రత తక్కువగా నమోదైంది. వడ్డేపల్లిలో 41.2 సెల్సియస్ డిగ్రీల ఉష్ణోగ్రతనే అత్యధికంగా ఉంది. ధరూర్, కేటీదొడ్డి మండలాలు ఆరెంజ్ అలెర్ట్‌ ఉండగా, మిగిలిన మండలాలన్నీ తక్కువ తీవ్రత ఉండే ఎల్లో అలెర్ట్‌లోకి వెళ్లాయి.