తండ్రి మందలించాడని.. ఉరి వేసుకొని యువతి బలవన్మరణం

చండూరు, న్యూస్‌టుడే: చండూరులో ఓ యువతి ఇంట్లో ఉరి వేసుకొని బలవన్మరణం చేసుకున్న ఘటన శనివారం చోటు చేసుకుంది. నాగర్‌కర్నూలు జిల్లా వెల్దండ మండలంలోని ఓ గ్రామానికి చెందిన వ్యక్తి చండూరులో కొంతకాలంగా రూ.పదికి దొరికే వస్తువులు అమ్మె దుకాణాన్ని నడిపిస్తున్నారు. ఆయన చిన్న కుమార్తె(18) కల్వకుర్తిలోని ఓ ప్రైవేటు కళాశాలలో ఇంటర్మీడియట్‌ చదువుతోంది. ఇటీవల స్వగ్రామం వెళ్లిన వెంకటయ్య శుక్రవారం తన కూతురుతో చండూరుకు వచ్చారు. శనివారం మధ్యాహ్నం తండ్రి దుకాణంలో ఉండగా ఇంటి లోపలికి వెళ్లిన ఆమె ఉరి వేసుకుంది. తండ్రి కొద్ది సేపటికి వెళ్లి చూడగా ఆమె అప్పటికే మృతి చెందింది. ఏదో కారణంగా తండ్రి మందలించినందుకే ఆమె ఆత్మహత్యకు పాల్పడి ఉండొచ్చని స్థానికులు భావిస్తున్నారు. ఉరి వేసుకోవటంలో కూడా కొన్ని అనుమానాలు తలెత్తుతున్నాయి. ఎస్సై నవీన్‌కుమార్‌ ఘటన స్థలాన్ని పరిశీలించారు. కేసు నమోదు చేసుకొని దర్యాప్తు చేస్తున్నట్లు వెల్లడించారు.