భువనగిరి లోక్‌సభ స్థానానికి 61 మంది నామినేషన్లు

భువనగిరి: భువనగిరి లోక్‌సభ నియోజకవర్గంలో నామినేషన్ల ఘట్టం ముగిసింది. రికార్డ్ స్థాయిలో 61 మంది నామినేషన్లు వేశారు. నిన్నటి వరకు 45 మంది నామినేషన్లు వేయగా. చివరి రోజు అయిన గురువారం 16 మంది నామినేషన్లు వేశారు. ప్రధాన పార్టీ అయినా కాంగ్రెస్ నుంచి చామల కిరణ్ కుమార్ రెడ్డి, భాజపా నించి డాక్టర్ బూర నర్సయ్య గౌడ్, భారాస నుంచి క్యామ మల్లేష్, సీపీఎం నుంచి ఎండి జాంగిర్ నామినేషన్ వేయగా.. మిగిలినవార్లు రిజిస్ట్రార్‌ పార్టీలు, స్వతంత్ర అభ్యర్థులు ఉన్నారు. రిటర్నింగ్ అధికారి కార్యాలయంలో రాత్రి పొద్దుపోయే వరకు నామినేషన్ల స్వీకరణ పర్వం కొనసాగింది. రిటర్నింగ్ అధికారి హనుమంతు కే జండగే అభ్యర్థుల నుంచి నామినేషన్లు స్వీకరించారు.