ఎన్నికలు ప్రశాంతంగా జరిగేందుకు కృషి చేస్తున్నాం

భువనగిరి: పార్లమెంటు ఎన్నికలు ప్రశాంతంగా జరిగేందుకు కృషి చేస్తున్నామని ఎన్నికల రిటర్నింగ్ అధికారి హన్మంత్ కే జెండగే అన్నారు. మంగళవారం డీసీపీ రాజేష్ చంద్రతో కలెక్టర్ కార్యాలయంలో మీడియా సమావేశం ఏర్పాటు చేశారు. ఈ సందర్భంగా ఆయన మాట్లాడుతూ.. 61మంది నామినేషన్ వేయగా.. పోటీలో 39 మంది నిలిచారని పేర్కొన్నారు. ఫలితాల లెక్కింపు భువనగిరి ఆరోరా ఇంజనీరింగ్ కళాశాలలో ఏర్పాటు చేసినట్లు పేర్కొన్నారు. ఎన్నికల నిర్వహణలో భాగంగా 245 టీమ్‌లుగా విభజించి కోడ్ ఉల్లంఘనకు గురికాకుండా చూస్తున్నట్లు వెల్లడించారు. ఈ ఎన్నికల్లో ఏడు నియోజకవర్గ కేంద్రాలతో కలిపి రూ. 9 కోట్ల 43 వేల నగదు, మద్యం సీజ్ చేశామన్నారు. సమావేశంలో తదితర అధికారులు పాల్గొన్నారు.