పోలింగ్‌ ఏర్పాట్లను పకడ్బందీగా నిర్వహించాలి

భువనగిరి: పోలింగ్ ఏర్పాట్లను పకడ్బందీగా నిర్వహించాలని జిల్లా ఎన్నికల అధికారి, కలెక్టరు హనుమంతు కే.జెండగే నోడల్ అధికారులను ఆదేశించారు. మంగళవారం కలెక్టరేట్‌ కాన్ఫరెన్స్ హాలులో ఆయన వివిధ విభాగలకు చెందిన నోడల్ అధికారులతో సమావేశమై పోలింగ్ ముందు, పోలింగ్ రోజున చేపట్టే విధుల పట్ల సమీక్షించారు. రిపోర్టులను సకాలంలో సమర్పించాలని, పోలింగ్ కేంద్రాలకు సంబంధించిన మార్క్‌డ్ కాపీలు సిద్ధం చేయాలన్నారు. డిస్ట్రిబ్యూషన్ కేంద్రాల నుంచి  పోలింగ్ కేంద్రాలకు ఈవీఎం యంత్రాలు, సిబ్బంది కోసం బస్సులను సిద్ధం చేయాలని ఆదేశించారు. వేసవి ఎండల తీవ్రత దృష్ట్యా ప్రజలకు వడదెబ్బ తగలకుండా జాగ్రత్తలు తీసుకోవాలని, పోలింగ్ కేంద్రాలలో ఆశా, వైద్య సిబ్బంది, ఓ.ఆర్.ఎస్. ప్యాకెట్స్, కనీస మందులు ఏర్పాటు చేయాలని, మెడికల్ సిబ్బంది నియామకం ప్లాన్ ప్రకారం నిర్వహించాలని, భువనగిరి ఆరోరా కాలజీలో, ఆలేరు ఇండోర్ స్టేడియంలో ఏర్పాటయ్యే డిస్ట్రిబ్యూషన్ కేంద్రాలలో 12వ తేదీ ఉదయం నుండి 13వ తేదీ రాత్రి వరకు మెడికల్ శిబిరాలు, అబులెన్స్ ఏర్పాటు చేయాలని ఆదేశించారు. సమావేశంలో జిల్లా రెవిన్యూ అదనపు కలెక్టర్ పి.బెన్ షాలోమ్, ఎన్నికల విభాగం సూపరింటెండెంట్  నాగేశ్వరా చారి, తదితరులు పాల్గొన్నారు.