కాంగ్రెస్‌ పాలనే మేలు

వింజమూరు, నెల్లూరు జడ్పీ : కాంగ్రెస్‌ అధికారంలోకి వస్తే పేదలకు మేలు జరుగుతుందని ఆ పార్టీ నెల్లూరు ఎంపీ అభ్యర్థి కొప్పుల రాజు తెలిపారు. వింజమూరులో ఆత్మీయ సమావేశంలో ఆయన మాట్లాడారు. కాంగ్రెస్‌ గెలిస్తే అమలు చేయబోయే పథకాలను వివరించారు. ఉదయగిరి శాసనసభ నియోజకవర్గ అభ్యర్థి సోము అనిల్‌కుమార్‌రెడ్డి కూడా మాట్లాడారు. టి. చంద్రశేఖర్‌, ఎల్‌. రాజేష్‌, మద్దూరు రాజగోపాల్‌రెడ్డి, చినమాలకొండయ్య, వెంకటేశ్వర్లు పాల్గొన్నారు.  నెల్లూరులో  కొప్పోలు రాజు, సీపీఎం నెల్లూరు నగర అభ్యర్థి మూలం రమేష్‌తో కలసి బాలాజీనగర్‌, ఏసీనగర్‌ ప్రాంతాల్లో ప్రచారం చేశారు.