రామాలయాల వద్ద ప్రత్యేక పారిశుద్ధ్య నిర్వహణ

కలెక్టరేట్‌:  శ్రీరామనవమి సందర్భంగా నగర వ్యాప్తంగా ఉన్న అన్ని ఆలయాల వద్ద ప్రత్యేక పారిశుద్ధ్య నిర్వహణ పనులను చేపడుతున్నామని నగర పాలక సంస్థ ఆరోగ్య శాఖాధికారి డాక్టర్ వెంకట రమణ తెలియజేశారు. ఈ సందర్భంగా ఆయన మాట్లాడుతూ.. శ్రీరామనవమి సందర్భంగా ఆలయాలకు వచ్చే భక్తులకు ఎలాంటి ఇబ్బందులు కలగకుండా చర్యలు తీసుకుంటున్నామన్నారు. ఆలయ ప్రాంగణాల్లో మంచినీటి సదుపాయం, చెత్తడబ్బాల ఏర్పాటు, బ్లీచింగ్, సున్నం చల్లటం వంటి చర్యలతో పాటు అన్న ప్రసాద వితరణ సమయంలో పడవేసే వ్యర్ధాలను ఎప్పటికప్పుడు తొలగించేలా పర్యవేక్షించినున్నామని వెల్లడించారు. అనంతరం స్థానిక ట్రంక్ రోడ్డులోని కె.వి.ఆర్ పెట్రోల్ కూడలి నుంచి అయ్యప్పస్వామి గుడి వరకు ప్రధాన మార్గంలో ఉన్న అన్ని షాపులను డాక్టర్ తనిఖీ చేశారు. డస్ట్ బిన్లను ఏర్పాటు చేయని దుకాణాలకు జరిమానాలు విధించారు. కార్యక్రమంలో పలువురు పాల్గొన్నారు.