కావలిలో తెదేపా ఎన్నికల ప్రచారం

కావలి: దగదర్తి మండలం, ఉలవపాళ్ళ పంచాయతీలోని పలు ప్రాంతాల్లో తెదేపా ఆధ్వర్యంలో ఎన్నికల ప్రచారం నిర్వహించారు. తెదేపా జాతీయ ప్రధాన కార్యదర్శి బీద రవిచంద్ర, ఎమ్మెల్యే అభ్యర్థి కావ్య కృష్ణారెడ్డి ఆధ్వర్యంలో ప్రచారం జరిగింది.  ప్రజలు వారికి పూల వర్షం కురిపిస్తూ.. మేళతాళాలతో స్వాగతం పలికారు. ఇంటింటికి తిరిగుతూ తెదేపా -భాజపా - జనసేన ఉమ్మడి ఎంపీ అభ్యర్థి వేమిరెడ్డి ప్రభాకర్ రెడ్డి, ఎమ్మెల్యే అభ్యర్థి కావ్య క్రిష్ణారెడ్డిని గెలిపించాలని కోరారు. ఈ సందర్భంగా స్థానికంగా నివసాముంటున్న 20 కుటుంబాలు వైకాపా నుంచి తెదేపాలో చేరాయి. కార్యక్రమంలో కావలి నియోజకవర్గ తెదేపా నాయకులు, రాష్ట్ర పార్టీ ఉపాధ్యక్షులు మాలేపాటి సుబ్బానాయుడు, దగదర్తి మండల పార్టీ ముఖ్య నాయకులు మాలేపాటి రవీంద్ర నాయుడు, తదితరులు పాల్గొన్నారు.