మండల పరిధిలో విద్యుత్ నియంత్రికల ధ్వంసం

నాగిరెడ్డిపేట : మండల పరిధిలోని గ్రామాల్లో దుండగులు  విద్యుత్ నియంత్రికలను  ధ్వంసం చేసి ఆయిల్, రాగి తీగలను చోరీ  చేస్తున్నట్లు మండల విద్యుత్  శాఖ అధికారి మనోరంజన్ తెలిపారు. బుధవారం రాత్రి తాండూరు గ్రామ శివారు పరిధిలో గల మూడు 25 కేవీ విద్యుత్ నియంత్రికాలను ధ్వంసం చేసి కాపర్ వైర్లను ఎత్తుకెళ్లినట్లు  స్థానిక రైతులు  అధికారులకు సమాచారమిచ్చారు.  గత 15 రోజుల నుంచి ఇప్పటివరకు మండలంలో 12 విద్యుత్ నియంత్రికలు ధ్వంసం కాగా.. వాటి విలువ సుమారు రూ.10 లక్షలు ఉంటుందని అధికారులు తెలిపారు.  ఇప్పటికైనా పోలీసులు స్పందించి చోరీలు జరగకుండా చూడాలని రైతులు, అధికారులు కోరుతున్నారు.