Kamareddy: ప్రభుత్వ భూమి కబ్జాను అడ్డుకున్న అధికారులు

బీర్కూర్: ప్రభుత్వ భూమి కబ్జాను అధికారులు అడ్డుకున్న ఘటన రైతునగర్‌లో గురువారం చోటుచేసుకుంది. అధికారులు తెలిపిన వివరాలు.. రైతునగర్‌ శివారులోని రైతు వేదిక సమీపంలోని 73, 74 సర్వే నంబర్లలో ఉన్న అసైన్‌మెంట్‌ గుట్ట భూమిని అన్నారం గ్రామానికి చెందిన ఓ వ్యక్తి ట్రాక్టర్‌ బ్లేడ్‌తో చదును చేశారు. గుట్ట కింద భాగం నుంచి గుట్టపై భాగం వరకు చదును చేసి భూమిని కబ్జా చేసేందుకు ప్రయత్నించాడు. ఈ విషయాన్ని గ్రామస్థులు పంచాయతీ కార్యదర్శి ప్రవీణ్‌కుమార్‌కు ఫిర్యాదు చేశారు. పంచాయతీ కార్యదర్శి తహసీల్దార్‌ లతకు సమాచారం అందించారు. ఆమె ఆదేశాల మేరకు పంచాయతీ కార్యదర్శి పంచాయతీ సిబ్బందితో కలిసి ఘటన స్థలికి వెళ్లి కబ్జాను అడ్డుకున్నారు.