కాంగ్రెస్ ఇంటింటి ఎన్నికల ప్రచారం

నాగిరెడ్డి పేట:  పార్లమెంటు ఎన్నికల నేపథ్యంలో కాంగ్రెస్ పార్టీ ఎమ్మెల్యే మదన్‌మోహన్ ఆదేశాల మేరకు నాయకులు నాగిరెడ్డిపేట మండలంలో ఇంటింటి ఎన్నికల ప్రచారం నిర్వహించారు. ఈ సందర్భంగా మండల పార్టీ అధ్యక్షుడు శ్రీధర్ గౌడ్ ఆధ్యర్యంలో జహీరాబాద్ పార్లమెంట్ ఎంపీ అభ్యర్థి సురేష్ షెత్కర్‌ని భారీ మెజార్టీతో గెలిపించాలని  జలాల్పుర్ గ్రామంలో ఇంటింటి ప్రచారం చేశారు.  6 గ్యారంటీల గురించి ప్రజలకు వివరిస్తూ ప్రచారం చేసినట్లు ఆయన తెలిపారు.  ప్రచారంలో కాంగ్రెస్ పార్టీ మండల  సీనియర్ నాయకులు రామచంద్ర రెడ్డి, వాసు రెడ్డి, గంగా రెడ్డి, విఠల్, శ్రీనివాస్ గౌడ్, నర్సింహ రెడ్డి, తదితర నాయకులు, కార్యకర్తలు పాల్గొన్నారు.