భాజపాను భారీ మెజార్టీతో గెలిపించాలి

నాగిరెడ్డిపేట: ఎన్నికల సమీపిస్తున్న తరుణంలో వివిధ పార్టీ నాయకులు ప్రచారాన్ని ముమ్మరం చేశారు. మంగళవారం స్థానిక నాయకులు ఉపాధి హామీ పనులు చేస్తున్న తాండూరు అక్కంపల్లి ఉపాధి హామీ కూలీలకు మజ్జిగ ప్యాకెట్స్ ఇచ్చి ఎన్నికల ప్రచారం నిర్వహించారు. మోదీ నాయకత్వంలో జహీరాబాద్ ఎంపీ అభ్యర్థి బీబీ పాటిల్‌ను ఓటు వేసి గెలిపించాలని కోరారు. ఈ సందర్భంగా గత పదేళ్లుగా మోదీ భారతదేశాన్ని అగ్రదేశాల సరసన నిలబెట్టాలని, రైతులకు పంట పెట్టుబడి సాయం అందిస్తున్నారని పేర్కొన్నారు. మోదీ నాయకత్వంలోని భాజపాను భారీ మెజార్టీతో గెలిపించాలన్నారు. కార్యక్రమంలో స్థానిక భాజపా నాయకులు బండ బాబు, రామానుజం, మా దాస్ నందు, సాయిలు తదితర నాయకులు, కార్యకర్తలు పాల్గొన్నారు.