21న నవీన్‌ ప్రభుత్వంపై భాజపా ఛార్జిషీట్‌

భద్రక్‌లో మన్మోహన్‌కు పుష్పగుచ్ఛం అందజేస్తున్న మహిళా మోర్చా కార్యకర్త

భువనేశ్వర్‌, న్యూస్‌టుడే: నవీన్‌ పట్నాయక్‌ 24 ఏళ్ల పాలనా వైఫల్యాలకు సంబంధించిన ఛార్జిషీట్‌ సిద్ధం చేశామని, దీన్ని ఈ నెల 21న విడుదల చేస్తామని భాజపా రాష్ట్ర శాఖ అధ్యక్షుడు మన్మోహన్‌ సామల్‌ చెప్పారు. సోమవారం భద్రక్‌లో జరిగిన కార్యక్రమంలో ఆయన మాట్లాడుతూ... ఛార్జిషీట్‌ ప్రతి ఓటరుకు కార్యకర్తలు పంపిణీ చేస్తారన్నారు. మే మొదటి వారంలో రాష్ట్రానికి సంబంధించి మేనిఫెస్టో ప్రకటిస్తామని, ఈమేరకు రూపకల్పన జరుగుతున్నట్లు తెలిపారు. కేంద్రం, రాష్ట్రంలో భాజపా అధికారంలోకి వస్తుందని, డబుల్‌ ఇంజిన్‌ పాలన తథ్యమని పునరుద్ఘాటించారు.