ఉరేసుకొని యువకుడు ఆత్మహత్య

నవరంగ్‌పూర్: నవరంగ్‌పూర్‌ జిల్లా ఉమా మార్కెట్ సమితి చికిలిపోదర పంచాయతీలో ఓ యువకుడు చెట్టుకు ఉరి వేసుకొని ఆత్మహత్య చేసుకున్నాడు. పోలీసులు తెలిపిన వివరాల ప్రకారం.. అధికారి గుండ గ్రామానికి చెందిన లక్కీధర్ మంతి (25) గురువారం రాత్రి భోజనం చేసి నిద్రించేందుకు స్నేహితుడికి ఇంటి వెళ్తానని ఇంట్లో చెప్పి బయటకు వెళ్లాడు. శుక్రవారం ఉదయం గ్రామ శివారులో చింత చెట్టుకు వేలాడుతూ కనిపించటంతో స్థానికులు పోలిసులకు ఫిర్యాదు చేశారు. ఘటనా స్థలానికి చేరుకున్న పోలీసులు శవపరీక్ష అనంతరం మృతదేహాన్ని కుటుంబసభ్యులకు అందజేశారు. కేసు నమోదు చేసుకున్న పోలీసులు దర్యాప్తు ప్రారంభించారు.