Parvathipuram: ప్రభుత్వ ఆసుపత్రిలో కలెక్టర్‌ సతీమణి ప్రసవం

నిశాంత్‌కుమార్‌కు శుభాకాంక్షలు చెబుతున్న వైద్యులు

పార్వతీపురం పట్టణం, న్యూస్‌టుడే: ఆయన జిల్లా పాలనాధికారి. అయినా సాధారణ ప్రజల్లా ప్రభుత్వ ఆసుపత్రి సేవలను వినియోగించుకోవాలని భావించారు. పురిటి నొప్పులతో బాధపడుతున్న తన భార్యను ప్రభుత్వ ఆసుపత్రిలో చేర్పించి ఆదర్శంగా నిలిచారు మన్యం జిల్లా కలెక్టరు నిశాంత్‌కుమార్‌. పార్వతీపురంలోని జిల్లా ఆసుపత్రిలో అతని సతీమణి బుధవారం పండంటి మగబిడ్డకు జన్మనిచ్చారు. సూపరింటెండెంటు వాగ్దేవి, స్త్రీ వైద్య నిపుణులు పరీక్షలు చేసి పర్యవేక్షించారు. ప్రభుత్వ ఆసుపత్రుల సేవలపై ప్రజలకు మరింత నమ్మకం పెరిగేందుకు ఆయన ఆలోచన దోహదపడుతుందని సూపరింటెండెంటు పేర్కొన్నారు. గతంలో జేసీగా పనిచేసిన జె.ఆనంద్‌ సతీమణికి ఇక్కడే ప్రసవం చేశారు.