మనస్తాపంతో వృద్ధుడి బలవన్మరణం

భోగాపురం, న్యూస్‌టుడే: భార్య మృతిచెందిందన్న మనస్తాపంతో ఓ వ్యక్తి ఆత్మహత్య చేసుకున్న ఘటన భోగాపురం మండలంలోని దల్లిపేట గ్రామంలో మంగళవారం రాత్రి చోటుచేసుకుంది. పోలీసుల వివరాల మేరకు.. గ్రామానికి చెందిన దల్లి అప్పలనాయుడు(65) కూలి పనులు చేస్తుంటారు. పిల్లలు పట్టణాలకు వెళ్లారు. అతని భార్య 11 నెలల క్రితం మృతిచెందింది. అప్పటి నుంచి తీవ్ర మనస్తాపానికి గురై మద్యానికి బానిసయ్యాడు. ఈయన బాగోగులు అక్క వెంపాడ నర్సయ్యమ్మ చూస్తూ ఉండేది. మంగళవారం ఉదయం టీ ఇచ్చేందుకు ఇంట్లోకి వెళ్లి ఆమె చూడగా నోటి నుంచి నురగ రావడాన్ని గమనించి స్థానికుల సాయంతో సుందరపేట పీహెచ్‌సీకి తరలించారు. అక్కడి నుంచి జిల్లా కేంద్రాసుపత్రికి తీసుకెళ్లారు. చికిత్స పొందుతూ మంగళవారం రాత్రి మృతిచెందారు  కేసు నమోదు చేసి దర్యాప్తు చేస్తున్నామని ఎస్సై సూర్యకుమారి తెలిపారు.