కోడిగుడ్ల డబ్బులు మింగేశారు!

ఒంగోలు నగరం, న్యూస్‌టుడే: మధ్యాహ్న భోజన పథకంలో భాగంగా కోడిగుడ్లు సరఫరా బిల్లుల చెల్లింపులో అక్రమాలు చోటుచేసుకున్నాయి. ప్రతినెలా వారానికి ఒకసారి గుత్తేదారు కోడిగుడ్లు సరఫరా చేస్తారు. ముందుగా ఎన్ని కావాలనేది పాఠశాలల హెచ్‌ఎంలు ఆన్‌లైన్‌లో ప్రతిపాదనలు పెడతారు. సరఫరా చేసిన తర్వాత సదరు హెచ్‌ఎం ధ్రువీకరణతో ఇన్వాయిస్‌ను ఆన్‌లైన్‌లో పంపుతారు. డీఈవో కార్యాలయంలోని మధ్యాహ్న భోజన పథకం విభాగం అధికారి, కింది స్థాయి సిబ్బంది వీటిని క్రోడీకరించి గుత్తేదారుకు బిల్లు చెల్లిస్తారు. విద్యాశాఖ కార్యాలయంలో ఈ బాధ్యతను ఒక సహాయ సంచాలకుడికి అప్పగించారు. వేసవి సెలవులకు ముందు ఏప్రిల్‌లో రెండు విడతలే గుడ్లు సరఫరా చేశారు. అయినప్పటికీ విద్యాశాఖ కార్యాలయంలో మాత్రం రెండు లక్షల గుడ్లకు అదనంగా రూ.10 లక్షలు బిల్లులిచ్చినట్లు సమాచారం.