వాలంటీర్ల రాజీనామా

శ్రీకాకుళం నగరం, నరసన్నపేట గ్రామీణం, మెళియాపుట్టి, జి.సిగడాం, సారవకోట, ఆమదాలవలస గ్రామీణం, న్యూస్‌టుడే: ఎన్నికల్లో వాలంటీర్ల సేవలు వాడుకుని లబ్ధి పొందాలని చూసిన అధికార పార్టీకి ఎన్నికల కమిషన్‌ రూపంలో ఎదురుదెబ్బ తగలడంతో గత్యంతరం లేని పరిస్థితుల్లో వారితో బలవంతపు రాజీనామాలు చేయిస్తుంది. శ్రీకాకుళం నగరపాలక సంస్థ పరిధిలో 109 మంది వాలంటీర్లతో అధికారులకు రాజీనామా పత్రాలను వైకాపా నాయకులు ఇప్పించారు. నగరపాలక సంస్థ అధికారులు ఆ విషయాన్ని ఉన్నతాధికారుల దృష్టికి తీసుకెళ్లనున్నట్లు కార్యాలయ వర్గాలు ధ్రువీకరించాయి.

• మెళియాపుట్టి మండలంలో 55 మంది, జి.సిగడాం మండలంలో 11 మంది, సారవకోట మండలంలో 87 మంది, నరసన్నపేట మండలంలో 17 మంది, ఆమదాలవలస మండలం దూసి పంచాయతీలో 15 మంది వాలంటీర్లు రాజీనామాలు చేశారు.