మంచినీళ్లు ఇవ్వలేకపోయారు.. మళ్లీ ఓటు ఎలా అడుగుతారు.?

పాతపట్నం ఎమ్మెల్యే రెడ్డి శాంతిని నిలదీసిన వేతనదారులు

న్యూస్‌టుడే, ఎల్‌ఎన్‌పేట: ‘ఐదేళ్లలో ఏం అభివృద్ధి చేశారు. మళ్లీ ఓట్లు అడగడానికి వచ్చారు’ అని ఉపాధి హామీ పథకం వేతనదారులు పాతపట్నం ఎమ్మెల్యే రెడ్డి శాంతిని నిలదీశారు. ఎన్నికల ప్రచారంలో భాగంగా ఎల్‌ఎన్‌పేట మండలం పెద్దకొల్లివలస పంచాయతీ పరిధి ఊర చెరువులో మంగళవారం పనులు చేస్తున్న కూలీల వద్దకు ఎమ్మ్లెల్యే వెళ్లి వారితో మాట్లాడారు. జగన్‌ను సీఎం చేయడానికి మళ్లీ ఫ్యాన్‌ గుర్తుకు ఓటు వేయాలని ఆమె కోరారు. అదే సమయంలో స్కాట్‌పేట గ్రామానికి చెందిన కొందరు కూలీలు స్పందిస్తూ ‘ఐదేళ్లలో మా గ్రామానికి ఏం చేశారు. కనీసం మంచినీళ్లు కూడా ఇవ్వలేకపోయారు. మళ్లీ వచ్చి ఏం అభివృద్ధి చేస్తారు’ అని వారు నిలదీశారు.