చంద్రబాబుతోనే ప్రగతి సాధ్యం

తెదేపా జాతీయ అధ్యక్షుడు చంద్రబాబును ముఖ్యమంత్రి చేస్తేనే రాష్ట్రం ప్రగతి బాటలో పయనిస్తుందని సినీ నటుడు నారా రోహిత్‌ పేర్కొన్నారు. జిల్లాలో శనివారం ఆయన పర్యటించారు. మందస మండలంలో పలాస కూటమి అభ్యర్థి గౌతు శిరీషతో పాటు ప్రచార కార్యక్రమాల్లో పాల్గొన్నారు. ఆమెతో కలిసి పిడిమందస, నర్సింగపురం, మందస, హొన్నాలి, జిల్లుండ పంచాయతీల్లోని ఇంటింటికీ వెళ్లి శిరీషను గెలిపించాలని కోరారు. అంతకుముందు కూటమి ఎచ్చెర్ల ఎమ్మెల్యే అభ్యర్థి ఎన్‌.ఈశ్వరరావు, ఎంపీ అభ్యర్థి కలిశెట్టి అప్పలనాయుడి తరఫున రణస్థలంలో ప్రచారం చేశారు. అధిక మెజారిటీతో ఇద్దరినీ గెలిపించాలని అభ్యర్థించారు.

న్యూస్‌టుడే, మందస, రణస్థలం