పోలింగ్‌ కేంద్రంలో కలెక్టర్‌ నిశిత పరిశీలన

ఏర్పాట్లపై అసహనం

సిబ్బందితో మాట్లాడుతున్న కలెక్టర్‌ మనజీర్‌ జిలానీ సామూన్‌

నరసన్నపేట, న్యూస్‌టుడే: పోస్టల్‌ బ్యాలెట్‌ పోలింగ్‌ కేంద్రాలను ఆదివారం జిల్లా కలెక్టర్‌ మనజీర్‌ జిలానీ సామూన్‌ పరిశీలించారు. స్థానిక జూనియర్‌ కళాశాల ఆవరణలో నాలుగు మండలాలకు చెందిన 5 పోలింగ్‌  కేంద్రాలను ఆయన నిశితంగా పరిశీలించారు. ఓటర్లు, పోలింగ్‌ ఉద్యోగులతో ఆయన మాట్లాడారు. ఎన్నికల విధులు నిర్వహించే సిబ్బందికి పలు సూచనలిచ్చారు. పోలింగ్‌ ఏర్పాట్లపై ఆయన అసహనం వ్యక్తం చేశారు. దాదాపు గంటంపావు కాలం పాటు పోలింగ్‌ కేంద్రాల వద్దే ఉన్నారు. పోలింగ్‌ కేంద్రాల్లో అధిక సంఖ్యలో ఉద్యోగ ఓటర్లు ఉండటాన్ని ఆయన గమనించి పరిస్థితిని చక్కదిద్దారు. పోలింగ్‌ కేంద్రాల వద్ద తీసుకోవాల్సిన చర్యలపై ఆర్వో రామ్మోహనరావుకు పలు సూచనలు చేశారు. కాలేజీ రోడ్డులో రాజకీయ పార్టీల ప్రచారం లేకుండా చూడాలని ఆదేశించారు.