సింగపూర్‌ నుంచి వచ్చి..

తల్లితోపాటు యువ ఓటరు ఆర్ముగం పువియరసి

ఆర్కేనగర్‌, న్యూస్‌టుడే: పుదుచ్చేరిలో లోక్‌సభ ఎన్నికల పోలింగ్‌ శుక్రవారం 7 గంటలకే ప్రారంభమైంది. పుదుచ్చేరి కిరుమాంబాక్కం పోలింగ్‌బూత్‌లో సింగపూర్‌ నుంచి వచ్చిన భారత పౌరహక్కు పొందిన యువ ఓటరు ఆర్ముగం పువియరసి(18)తన తల్లి ఆర్ముగం మాలతితో వచ్చి తొలిఓటు హక్కు వినియోగించుకున్నారు. ఇందుకోసం ఆమె రూ.50 వేలు ఖర్చుపెట్టి గురువారం సింగపూర్‌ నుంచి విమానంలో చెన్నై వచ్చి అక్కడి నుంచి పుదుచ్చేరి చేరుకున్నారు. ఆమె మాట్లాడుతూ.. తాను సింగపూర్‌లో బిజినెస్‌ మేనేజ్‌మెంట్‌ చదువుతున్నానని చెప్పారు. భారత్‌లో ఎన్నికలు ఆసక్తిగా చూస్తువచ్చానన్నారు. ఓటు వేయాలనే ఆశతో ఇంతదూరం వచ్చానని చెప్పారు.