మత ఘర్షణలు సృష్టించేలా ప్రధాని ప్రచారం

చర్యలకు ఎస్‌డీపీఐ ఫిర్యాదు

విలేకరుల సమావేశంలో ఎస్‌డీపీఐ నేతలు

ప్యారిస్‌, న్యూస్‌టుడే: మత ఘర్షణలు సృష్టించేలా ప్రచారం చేస్తున్న ప్రధాని మోదీపై చర్యలు చేపట్టాలని ఎస్‌డీపీఐ బుధవారం చెన్నై పోలీసు కమిషనర్‌ కార్యాలయంలో ఫిర్యాదు చేశారు. ఆ పార్టీ రాష్ట్ర ఎగ్జిక్యూటివ్‌ కమిటీ సభ్యుడు రషీద్‌ విలేకరులతో మాట్లాడుతూ.. లోక్‌సభ ఎన్నికల కోసం దేశవ్యాప్తంగా ప్రచారం చేస్తున్న మోదీ మత ఘర్షణలు సృష్టించేలా మాట్లాడుతున్నారని తెలిపారు. 21న రాజస్థాన్‌లో జరిగిన సమావేశంలో కాంగ్రెస్‌ అధికారంలోకి వస్తే దేశంలోని ఆస్తులన్నింట్లో ముస్లిలంకు వాటా ఇస్తారని వాఖ్యలు చేశారన్నారు. ఈ మాటలు తీవ్ర కలకలం సృష్టించాయని చెప్పారు. ఇలా మాట్లాడే మోదీపై తగిన చర్యలు చేపట్టాలని అన్ని జిల్లాల్లో ఫిర్యాదు చేస్తున్నట్లు తెలిపారు. తగిన చర్యలు చేపట్టకపోతే న్యాయస్థానాన్ని ఆశ్రయిస్తామన్నారు.