రైళ్లకు అదనపు బోగీలు

రైల్వేస్టేషన్‌, న్యూస్‌టుడే: ప్రయాణికుల సౌకర్యార్థం పలు రైళ్లకు అదనపు బోగీలు జత చేస్తున్నామని వాల్తేర్‌ సీనియర్‌ డీసీఎం ఎ.కె.త్రిపాఠి తెలిపారు.  12 (బుధవారం) నుంచే విశాఖ- సికింద్రాబాద్‌ (08579)రైలుకు జత చేయగా... 13 నుంచి సికింద్రాబాద్‌- విశాఖ(08580) ప్రత్యేక రైలుకు ఒక థర్డ్‌ ఏసీ, ఒక స్లీపర్‌ క్లాస్‌ బోగీ అదనంగా ఉంటాయన్నారు. బీ ఈ నెల 15 నుంచి విశాఖ-దుర్గ్‌ (18530), 16 నుంచి దుర్గ్‌-విశాఖ (18529), 17 నుంచి విశాఖ-కిరండూల్‌ (18514), 18 నుంచి కిరండూల్‌-విశాఖ (18513) రైళ్లు.. ఒక సెకండ్‌ ఏసీ, 2 థర్డ్‌ ఏసీ, 5 స్లీపర్‌, 2 సాధారణ రెండో తరగతి, 2 సాధారణ రెండో తరగతి కమ్‌ లగేజి బోగీలతో రాకపోకలు సాగిస్తాయని పేర్కొన్నారు.