తూర్పు తీరంలో ఆగిన చేపలవేట

వన్‌టౌన్‌, న్యూస్‌టుడే: తూర్పు తీరంలో సోమవారం నుంచి చేపల వేట నిలిచిపోయింది. సముద్ర జలాల్లో ఉన్న బోట్లు, ఇంజిను పడవలు తీరానికి చేరుకున్నాయి. దీంతో చేపలరేవులోని 11 జెట్టీలు కిక్కిరిసిపోయాయి. 61రోజుల పాటు సముద్ర జలాల్లో చేపల వేటను నిషేధించామని, ఎవరైనా నిబంధనలను అతిక్రమిస్తే చట్ట ప్రకారం చర్యలు తీసుకుంటామని మత్స్యశాఖ సహాయ సంచాలకులు విజయకృష్ణ స్పష్టం చేశారు. చేపలరేవు సహా ఫిష్‌ ల్యాండింగ్‌ సెంటర్లలో పూర్తి నిఘా ఉంచామన్నారు. సముద్ర జలాల్లో చేపలు గుడ్లు పెట్టే సమయం కావడంతో వేట నిషేధం అమలు చేయాలని కేంద్ర, రాష్ట్ర ప్రభుత్వాలు ఆదేశాలు జారీ చేశాయని, దానికి అనుగుణంగా చర్యలు తీసుకున్నామని చెప్పారు.