పింఛన్‌ లబ్ధిదారులకు తీరని అవస్థలు

ఉదయం తొమ్మిదిన్నర సమయంలో నక్కపల్లి బ్యాంకు ఎదుట పింఛన్‌ లబ్ధిదారులు

నక్కపల్లి, న్యూస్‌టుడే: పింఛన్‌ బట్వాడా విషయంలో ప్రభుత్వ తీరుతో పేదల కష్టాలు కొనసాగుతున్నాయి. అనేకమంది పింఛను సొమ్మును వారి బ్యాంకు ఖాతాలో వేయడంతో వాటిని తీసుకోడానికి సమీప గ్రామాల నుంచి ఉదయాన్నే బ్యాంకులకు చేరుకుంటున్నారు. నక్కపల్లి ఐఓబీ పరిధిలో వేలమంది ఉండటంతో ఇక్కడ రద్దీ తగ్గడంలేదు. దీనికి తోడు ఖాతాలు నిలిచిపోయివారు వాటిని తిరిగి బతికించుకోడానికి వస్తున్నారు. నక్కపల్లిలో ఐఓబీ బ్యాంకు సోమవారం తెరవడానికి ముందే ఇక్కడకు వచ్చి పడిగాపులు కాశారు. ఎక్కువమంది లోపల ఉండటంతో రద్దీని అదుపు చేయడానికి బ్యాంకు, సచివాలయ ఉద్యోగులు కొందరిని బయటే ఉంచేశారు. దీంతో ఎండ వేడితో అవస్థలు పడ్డారు.