వైద్యపట్టా లేనివారు చికిత్స చేయొద్దు

ఎంజీఎం ఆసుపత్రి, న్యూస్‌టుడే: ఎలాంటి వైద్య పట్టాలేనివారు చికిత్స చేయరాదని వరంగల్‌ పోలీసు కమిషనర్‌ అంబర్‌ కిశోర్‌ ఝా పేర్కొన్నారు. సోమవారం వైద్య టాస్క్‌ఫోర్సు టీం సభ్యులు డాక్టర్‌ మాగంటి శేషుమాధవ్‌, డాక్టర్‌ వేములపల్లి నరేశ్‌కుమార్‌, డాక్టర్‌ కొలిపాక వెంకటస్వామి సీపీని కలిసి నకిలీ వైద్యులు, వైద్యసంస్థలపై జరిపే తనిఖీలకు సహకరించాలని విజ్ఞప్తి చేశారు. ఈ సందర్భంగా సీపీ స్పందిస్తూ.. సంబంధిత పట్టాలేనివారు వైద్యం చేయరాదని, ప్రాథమిక చికిత్స మాత్రమే చేసి ప్రభుత్వ ఆసుపత్రులకు పంపించాలన్నారు. రాష్ట్ర వైద్యమండలి(టీఎస్‌ఎంసీ)లో రిజిస్ట్రేషన్‌ చేసుకోకుండా వైద్యం చేసినట్లయితే చట్టపరమైన చర్యలు తీసుకుంటామని హెచ్చరించారు.