రాజంపేటలో గంటన్నరకు పైగా నిలిచిన ఎక్స్‌ప్రెస్‌ రైలు

రైల్వే సిగ్నలింగ్‌ వ్యవస్థలో సాంకేతిక లోపం 

రాజంపేట, న్యూస్‌టుడే: రాజంపేట మండలం హస్తవరం రైలునిలయంలో సిగ్నలింగ్‌ వ్యవస్థలో తలెత్తిన సాంకేతిక లోపంతో కన్యాకుమారి-ఫుణె ఎక్స్‌ప్రెస్‌ రైలు రాజంపేట రైలునిలయంలో బుధవారం  1.40 గంటల పాటు నిలిచిపోవడంతో ప్రయాణికులు తీవ్ర అసౌకర్యానికి గురయ్యారు. ఈ రైలు రాజంపేటకు బుధవారం ఉదయం 6.06 గంటలకు చేరుకోగా, హస్తవరంలో తలెత్తిన లోపంతో నిలిపివేశారు. వెంటనే రైల్వే సిగ్నలింగ్‌ వ్యవస్థ సిబ్బంది అక్కడికి చేరుకుని మరమ్మతులు చేపట్టినట్లు రైల్వే అధికారులు తెలిపారు. ఎట్టకేలకు 7.50 గంటల ప్రాంతంలో రైలు కదలడంతో ప్రయాణికులు ఊపిరి పీల్చుకున్నారు.