ఆర్టీపీపీకి వెలుగులొచ్చాయ్‌!

రాయలసీమ ప్రాంత వెలుగుల దివ్వె ఎర్రగుంట్ల మండలంలోని రాయలసీమ తాప విద్యుదుత్పత్తి కేంద్రం (ఆర్టీపీపీ) ముంగిట ప్రాంతాలు అంధకారం నుంచి విముక్తి పొందాయి. ఇక్కడ నెలకొన్న చీకట్లతో ఆర్టీపీపీ ఉద్యోగులు, ఆ మార్గంలో రాకపోకలు సాగించే స్థానికులు పడుతున్న ఇబ్బందులపై ‘ఈనాడు’లో ఈ నెల 21వ తేదీన ‘విద్యుత్తు ఉత్పత్తి... దీపాలు ఉత్తుత్తి’ అనే శీర్షికన ప్రచురితమైన చిత్రకథనంపై అధికారులు స్పందించారు. దాదాపు ఏడాదిగా చీకటి రాజ్యమేలిన ఈ ప్రాంతాలు గురువారం నుంచి క్రమంగా వెలుగులద్దుకున్నాయి. కార్యరంగంలోకి దిగిన సిబ్బంది విద్యుత్తు స్తంభాలకు మరమ్మతులు చేసి దీపాలు అమర్చారు.

న్యూస్‌టుడే, ఎర్రగుంట్ల