బంగ్లామిట్ట... తాగునీటికి కటకట!

బొజ్జావారిపల్లె సమీపంలోని మామిడి తోటలో తాగునీటికి  తంటాలు పడుతున్న గ్రామస్థులు

రైల్వేకోడూరు మండలం బొజ్జావారిపల్లె పంచాయతీ బంగ్లామిట్ట కాలనీ వాసులు గత కొన్ని రోజులుగా తాగునీటికి తీవ్ర ఇబ్బందులు పడుతున్నారు. గ్రామంలోని డైరెక్ట్‌ పంపింగ్‌ మోటారు మరమ్మతులకు గురికావడంతో తాగునీటి ఎద్దడి నెలకొంది. అసలే ఎండలు మండిపోతుండడంతో గుక్కెడు తాగునీటికి తోటల్లోని మోటార్ల వద్దకు పరుగులు తీస్తున్నారు. ఇప్పటికైనా పంచాయతీ అధికారులు స్పందించి నీటి సమస్యను తీర్చాలని ఆ గ్రామ ప్రజలు వేడుకుంటున్నారు. పంట పొలాల వద్ద తాగునీటి కోసం గ్రామస్థులు పడుతున్న ఇబ్బందులను ఈ చిత్రాలే దర్పణం.

 మరో పొలం వద్ద డ్రిప్పు పైపుల నుంచి వచ్చే నీటిని పట్టుకుంటున్న మహిళలు

న్యూస్‌టుడే, రైల్వేకోడూరు